Պելեի ընտանիքը Սուրբ Ծնունդը նշել է հիվանդանոցում՝ նրա հետ

Պելեի դուստրերը՝ Քելլին և Ֆլավիա Նասիմենտոները, և երկու որդիները՝ Էդինյոն և Ջոշուա Նասիմենտոն Սուրբ Ծնունդն անցկացրել են Սան Պաուլոյի Ալբերտ Էյնշտեյնի հիվանդանոցում` իրենց հիվանդ հոր հետ։ Աշխարհի եռակի չեմպիոնի կողքին էր նաև նրա կինը՝ ճապոնական ծագումով 57-ամյա բրազիլացի գործարար Մարսիա Սիբել Աոկին։

Այս մասին են վկայում Պելեի երեխաների սոցիալական ցանցերում տեղադրված լուսանկարներy։ Նկարներում պարբերաբար հայտնվում են նաև նրա թոռները։

«Գրեթե ամբողջ ընտանիքն այստեղ է, - գրել է Քելլին Նասիմենտին իր Instagram-ում։-Շնորհավոր Սուրբ Ծնունդ! Երախտագիտությունը, սերը, միասնությունը, ընտանիքը Սուրբ Ծննդի էությունն են: Շնորհակալություն ենք հայտնում բոլորին սիրո և լույսի համար, որ ուղարկում եք մեզ։ Այս խելահեղ զարմանալի կյանքում մենք ոչինչ ենք առանց սիրո»:

Պելեն հիվանդանոցում է գտնվում ավելի քան մեկ ամիս՝ նոյեմբերի վերջից։ ԶԼՄ-ների տեղեկություններով՝ նրա մարմինը դադարել է արձագանքել քիմիաթերապիային, որին նախկին ֆուտբոլիստն անցել է աղիների քաղցկեղի պատճառով։ Այս պահին բժիշկները փորձում են բուժման նոր կուրս գտնել։ Պելեին բուժում է ստանում նաև երիկամների և սրտի աշխատանքի խանգարումներ համար։ Նրա ինքնազգացողությունը վատացել է։