31-ամյա բալահովիտցուն դանակահարել էին Հացավան գյուղի անասնաֆերմայի հարակից տարածքում
Հասարակություն
Դեկտեմեբրի 26-ին, ժամը 01.40-ին, «Աբովյան» բժշկական կենտրոնից ոստիկանության Կոտայքի բաժին հաղորդում էր ստացվել, որ որովայնի կտրած-ծակած վերքով բուժօգնության է տեղափոխվել 31-ամյա մի տղամարդ:
Ոստիկանությունից հայտնում են, որ հիվանդանոց մեկնած օպերատիվ խումբը պարզեց, որ բալահովիտցի երիտասարդը հիվանդանոց էր տեղափոխվել Հացավան գյուղի գազալցակայանի մոտակայքից:
Դեպքի առթիվ նախաձեռնվեց քրեական վարույթ:
Կոտայքի բաժնի քրեական հետախույզները ձեռնարկած միջոցառումների արդյունքում պարզեցին, որ դեկտեմբերի 25-ին, ժամը 23.50-ի սահմաներում, Կոտայքի մարզի Հացավան գյուղի անասնաֆերմայի հարակից տարածքում տեղի ունեցած վիճաբանության ժամանակ երիտասարդին դանակահարել էր Աբովյան քաղաքի 50-ամյա մի բնակիչ: Դեկտեմբերի 26-ին նա հայտնաբերվեց, ձերբակալվեց, տեղափոխվեց ոստիկանության Կոտայքի բաժին, ապա ներկայացվեց Աբովյանի քննչական բաժին:
Նախաձեռնված քրեական վայույթը շարունակվում է:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
