Վրաստանը տեղ չի ստանա ԵՄ-ում, եթե Սահակաշվիլին մահանա բանտում․ ԵԽ պատգամավոր

Եվրամիություն Վրաստանի անդամակցության հեռանկարն ուղղակիորեն կապված է նախկին նախագահ Միխայիլ Սաակաշվիլիի գործի հետ։ Այս մասին դեկտեմբերի 27-ին Twitter-ում գրել է Եվրախորհրդարանի պատգամավոր Յացեկ Սարիուշ-Վոլսկին։

Նրա խոսքով, պատգամավորները չեն աջակցի Թբիլիսիի եվրոպական ձգտումները, եթե Սահակաշվիլին մահանա կալանքի տակ։

«Եվրախորհրդարանը երբեք չի քվեարկի ԵՄ-ին Վրաստանի անդամակցության օգտին, եթե նախկին նախագահը լինի բանտարկված և մահանա բանտում»,- գրել է նա։

Սարիուշ-Վոլսկին այսպես է արձագանքել իշխող «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեի հայտարարությանը։ Դեկտեմբերի 26-ին նա ասել էր, որ Սահակաշվիլին արդար պատիժ է կրում, և որ Վրաստանի կառավարությունը կշարունակի աշխատել Եվրամիությանը լիիրավ անդամակցելու ուղղությամբ: