Սենյակը, որտեղ Մեսին ապրել է ԱԱ-2022-ի ժամանակ, կվերածվի թանգարանի

Արգենտինայի հավաքականի հարձակվող Լիոնել Մեսիի սենյակը, որտեղ նա ապրել է ԱԱ-2022-ի ժամանակ, կվերածվի թանգարանի, հայտնում է RMC Sport-ը։

Այս մասին հայտնել է Դոհայում Կատարական համալսարանը, որտեղ Արգենտինայի հավաքականն ապրում էր աշխարհի առաջնության ժամանակ։ Որոշվել է սենյակը պահել այն տեսքով, որով այն թողել է Մեսին, որպեսզի զբոսաշրջիկներն այցելեն այնտեղ։

Դռան վրա դրված է L. Messi մակագրությամբ ցուցանակ և Արգենտինայի դրոշը։

Հիշեցնենք, որ դեկտեմբերի 18-ին աշխարհի առաջնության եզրափակիչում Արգենտինայի հավաքականը հաղթեց Ֆրանսիայի հավաքականին և նվաճեց գավաթը։