Adidas-ը ներկայացրել է 50% շաքարեղեգից պատրաստված սպորտային կոշիկներ

Գերմանական սպորտային Adidas ապրանքանիշը ներկայացրել է իր խորհրդանշական Superstar մոդելի նոր սպորտային կոշիկները: Այս մասին հայտնում է Hypebeast-ը։

Նոր մոդելը, որը կոչվում է AdiFom Superstar, հիշեցնում է ռետինե ծայրով Superstar սպորտային կոշիկները: Սև գծերով սպիտակ սպորտային կոշիկները չունեն կապեր և թելեր, և, ըստ ապրանքանիշի դիզայներների, նախատեսված են առավելագույն հարմարավետություն և հանգստություն ապահովելու համար։ Բայց մոդելի հիմնական առանձնահատկությունը շրջակա միջավայրի մասին հոգածությունն է. AdiFom Superstar-ը պատրաստված է 50% բնական և վերականգնվող նյութերից՝ շաքարեղեգի հիման վրա:

Հաղորդվում է, որ Adidas-ն ակնկալում է, որ նոր AdiFom Superstar-ը հաջողություն կունենա ասիական շուկայում: Այժմ դրանք կարելի է գնել ապրանքանիշի որոշ կայքերից՝ 109 սինգապուրյան դոլարով (մոտ 81 ԱՄՆ դոլար):

Adidas-ը թողարկում է օրիգինալ Superstar-ը 1969 թվականից: Այս սպորտային կոշիկները ստացել են «շելլեր» անունը՝ կապված ռետինե քթի հետ, որը նման է ծովային խեցու։ Մոդելը հսկայական ժողովրդականություն է ձեռք բերել ամբողջ աշխարհում և բազմիցս նկարահանվել է հայտնիների ոտքերի վրա ֆիլմերում և հոլովակներում: