Ռուսական Առաջին ալիքի հաղորդավարները պատմել են, թե ինչպես են թաքցրել իրենց սիրավեպը վերադասներից

Ռուսական Առաջին ալիքի լրագրողներ Եկատերինա Բերեզովսկայան և Կոնստանտին Պանյուշկինը Газета.Ru-ին պատմել են, թե ինչպես է զարգացել իրենց սիրավեպը։ «Վրեմյա» հաղորդաշարի աստղերը ծանոթացել են աշխատավայրում, սկսել հանդիպել, ապա ամուսնացել։ Բերեզովսկայան և Պանյուշկինը խոստովանել են, որ ստիպված են եղել թաքցնել իրենց սիրավեպը։

«Ի սկզբանե մենք քողարկված էինք, դա հիանալի էր», - խոստովանել է Եկատերինա Բերեզովսկայան:

Հեռուստահաղորդավարուհին և նրա ամուսինը նշել են, որ իրենց կապի պատճառով երբեք խնդիրներ չեն եղել։ Լրագրողները պատմել են, որ հեռուստատեսության ասպարեզում հաճախ են լինում «ծառայողական սիրավեպեր»։

«Երբեք խնդիրներ չեն եղել, և իսկապես, հեռուստատեսության բնագավառում բոլորը կա՛մ ամուսնացած են, կա՛մ ժամադրված են: Բոլորն էլ շատ քիչ ազատ ժամանակ ունեն, այնպես որ պարզվում է, որ նրանք հիմնականում ծանոթանում են աշխատանքի ժամանակ»,- ասել են նրանք։

Եկատերինա Բերեզովսկայան և Կոնստանտին Պանյուշկինը ամուսնացել են 2014 թվականի հուլիսին։ Ռուսական Առաջին ալիքի աստղերը խոստովանել են, որ իրենց սիրելիները դեռ հիշում են հարսանեկան տոնակատարությունը, չնայած այն բանին, որ անցել է ութ տարի։