Դրյու Բերիմորը բացատրել է, թե ինչու է հրաժարվել առանց պարտավորությունների սեքսից

Ամերիկացի դերասանուհի Դրյու Բերիմորը խոստովանել է, որ չի ցանկանում հաճախակի ժամադրության գնալ՝ զբաղված լինելու և հիասթափվելու վախի պատճառով։ Հանդիպումներից հրաժարվելու մասին նա խոսել է People-ի լրագրողի հետ հարցազրույցում։

«Չարլիի հրեշտակները» ֆիլմի 47-ամյա աստղն ասել է, որ  դժվարանում է ժամադրության համար ժամանակ գտնել, քանի որ միայնակ ծնող է, ունի երկու երեխա և զբաղված է աշխատանքով: Դերասանուհին նախընտրում է ազատ ժամանակն անցկացնել ընկերների, ընտանիքի հետ կամ միայնակ, այլ ոչ թե փորձել նոր հարաբերություններ կառուցել։ Դրա պատճառով Բերիմորի անձնական կյանքը վերջին վեց տարիների ընթացքում դարձել է ավելի քիչ հագեցած, քան նախկինում: Նրա խոսքով, երրորդ ամուսնալուծությունից հետո ինքը բազմիցս գնացել է ժամադրության, որոնց ժամանակ անընդհատ իրեն բռնել է այն մտքի վրա, որ չի ցանկանում ժամանակ վատնել խոսելու և սիրախաղի վրա:

Դերասանուհին դադարել է հետաքրքրվել առանց պարտավորությունների սեքսով. պատճառն այն է, որ նա չի ցանկանում ինչ-որ մեկի հետ հանդիպել զուտ սեքսի համար։ «Ուրախ եմ ժամադրության գնալու և ինչ-որ մեկին ավելի լավ ճանաչելու համար: Բայց ես այլևս այն տեսակը չեմ, որ ուզում եմ պարզապես պառկել: Այժմ դա ինձ համար իմաստ չունի»,- բացատրել է նա։