Փաշինյանն ասել է` ում կուզենար տեսնել ՆԳՆ նախարարի տեղակալի պաշտոնում

ՀՀ վարչապետ Նիկոլ Փաշինյանը Ներքին գործերի նախարարի տեղակալի պաշտոնում տեսնում է ՀՀ արդարադատության փոխնախարարին։ Նիկոլ Փաշինյանն այսօր Արդարադատության նախարարության աշխատակազմին է ներկայացրել նորանշանակ նախարար Գրիգոր Մինասյանին: Հանդիպման ընթացքում Նիկոլ Փաշինյանը հայտարարել է, որ քննարկումներ եղել են, հույս ունի, որ ներքին գործերի նախարարի տեղակալի պաշտոնը կստանձնի Արփինե Սարգսյանը, որը ներգրավված է եղել ոստիկանության բարեփոխումներում, ներքին գործերի նախարարության ձևավորման աշխատանքներում:

«Շատ կարևորում եմ նոր ձևավորվող նախարարությունում ռազմավարությունները մշակող և իրականացնող թևը, որը, տիկին Սարգսյանը, հույս ունեմ, կղեկավարի»,- ասել է Նիկոլ Փաշինյանը։