Նեթանյահուն դարձավ Իսրայելի վարչապետ

Բենիամին Նեթանյահուն պաշտոնապես դարձավ Իսրայելի վարչապետ։ Երկրի 37-րդ կառավարությունը սկսել է իր աշխատանքը, գրում է The Times of Israel-ը։

Կնեսետում ելույթի ժամանակ Նեթանյահուն խոստացել է, որ իր կոալիցիան քաղաքական կայունություն կբերի երկրին։ Նրա խոսքերը հնչել են 2019 թվականից ի վեր երկրում տեղի ունեցած հինգ անընդմեջ ընտրություններից հետո, որոնք միայն այժմ հանգեցրել են կառավարության ձևավորմանը։

Ընդհանուր առմամբ, նա կառավարության ղեկավարի պաշտոնը զբաղեցրել է 15 տարի՝ 1996-ից 1999 թվականներին և 2009-ից 2021 թվականներին։ Միաժամանակ Նեթանյահուն երեք անգամ գլխավորել է կառավարությունում մեծամասնությունը, ևս երեք անգամ զբաղեցրել է իր պաշտոնը՝ առանց մեծամասնություն կազմելու։ 2021-ից 2022 թվականներին Նաֆթալի Բենեթն է եղել վարչապետ, իսկ նրանից հետո՝ Յաիր Լապիդը (Նեթանյահուն, Բենեթը և Լապիդը վերջին տարիներին պաշտոններ են զբաղեցրել ռոտացիոն սկզբունքով, քանի դեռ նրանցից ոչ մեկը չի կարողացել կառավարական մեծամասնություն ստանալ)։