Ձեռքը կորցրած ամերիկացին երեք օր շարունակ թաքնվել է ճահճում և ողջ մնացել

ԱՄՆ-ի բնակիչը, ում ձեռքը պոկել էր ալիգատորը, երեք օր շարունակ թաքնվել է սողունից Ֆլորիդայի Մյակկա քաղաքի մոտակայքում գտնվող ճահիճում ու ողջ մնացել։ Այս մասին հայտնում է The Sun-ը։

43-ամյա Էրիկ Մերդան հանգստանում էր Մանատի լճի մոտ գտնվող ձկնորսների ճամբարում: Տղամարդը հարբած վիճակում լողալու է գնացել. ոստիկանները նրա ֆուրգոնում հայտնաբերել են մարիխուանա և վիսկիի շիշ։

Մերդան լողալիս մոտակայքում  նկատել է ալիգատորի։ Մինչ նա կհասցներ արձագանքել, սողունը կծել է նրա ձեռքից: Ալիգատորը ատամներով բռնել է ամերիկացու վերջույթից և երեք անգամ փորձել քաշել նրան ջրի տակ։ Սակայն, կորցնելով թեւը՝ Մերդան կարողացել է մյուս ձեռքով բռնել սողունին և հարվածել նրան։ Դրանից հետո գիշատիչը լողալով հեռացել է։

Տուժածը փորձել է լողալով հասնել այն տեղը, որտեղից մտել էր ջուրը, սակայն շուտով հասկացել է, որ կորել է հսկայական լճում։ «Ամեն ինչ տեղի ունեցավ վայրկյանների ընթացքում: Դա նման էր կայծակի։ Ես կարծում էի, որ մեռած եմ։ Հիշում եմ, որ մտածում էի. «Սա չի կարող ճիշտ լինել: Ես այլևս ձեռք չունեմ, ես այլևս ձեռք չունեմ, ես պետք է որ քնած լինեմ», - ասել է նա:

Մի քանի ժամ անց Մերդային հաջողվել է հասնել ճահճացած ափ՝ թանձր խոտով պատված։ Նա ստիպված էր գիշերել դրա մեջ։ Առավոտյան ամերիկացին բարձրացել է ծառի վրա և մի քանի ժամ շարունակ փորձել գրավել օդանավերի ուշադրությունը, որոնք թռչում էին գլխավերեւում։ Հետո նա շարունակել է իր ճանապարհը՝ հույս ունենալով գտնել այն վայրը, որտեղից եկել էր։ 

Երբեմն տղամարդը տեսնում էր, որ ալիգատորի գլուխը բարձրանում է ջրի մակերևույթից: «Ես զգում էի, որ նա ինձ է սպասում»,- կիսվել է նա իր հիշողություններով։ Երկրորդ գիշերը տղամարդն անցկացրել է ջրի եզրին գտնվող փոքրիկ բետոնե սալիկի վրա: Հաջորդ օրը նա նորից փորձել է դուրս գալ ճահճից, բայց հասկացել է, որ շրջանաձեւ է քայլում։ Չորրորդ օրը նա հասկացել է, որ անցել է ընդամենը 100 մետր։

Նա ի վերջո գտել է գարեջրի դատարկ շիշ, ինչը մարդկանց ներկայնության նշան էր։ Շուտով նա տեսել է իր ֆուրգոնը և մի տղամարդու, ով իր մեքենան կայանել էր մոտակայքում։ Փրկարարները դեպքի վայր են ժամանել կես ժամ անց։ Մուրդան երեք շաբաթ անցկացրել է տեղի հիվանդանոցում։ Նրա ձեռքի մնացած մասը անդամահատել են վարակից խուսափելու համար։