Վուչիչը հետ է կանչել Կոսովոյի պատճառով զորքերը բարձր մարտական ​​պատրաստականության բերելու մասին որոշումը

Սերբիայի նախագահ Ալեքսանդր Վուչիչը հետ է կանչել զորքերը բարձր մարտական ​​պատրաստականության բերելու մասին որոշումը։ Այս մասին գրում է РБК-ն՝ սերբական լրատվամիջոցներին հղումով։

Կոսովոյում իրավիճակի սրման ֆոնին նախագահի հրամանով դեկտեմբերի 26-ին երկրի զորքերը բերվել էին մարտական ​​պատրաստության։ Պաշտպանության նախարար Միլոշ Վուչևիչը հայտարարել էր, որ դա արվել է երկրի տարածքային ամբողջականությունն ու ինքնիշխանությունը պաշտպանելու համար։ Հետո Սերբիան սկսեց անցակետեր կառուցել Կոսովոյում, իսկ Կոսովոյի իշխանությունները նույնպես իրենց զինված ուժերը բերեցին բարձր պատրաստականության։

Իրավիճակը սրվեց այն բանից հետո, երբ դեկտեմբերի 10-ին սերբ Դեյան Պանտիչը (նախկինում ծառայել է Կոսովոյի ոստիկանությունում) բերման ենթարկվեց ԿԸՀ-ի պաշտոնյաների վրա հարձակում գործելու մեղադրանքով, երբ նրանք պատրաստվում էին քաղաքապետի ընտրություններ անցկացնել հյուսիսի չորս քաղաքներում: Ընտրությունները նշանակված էին դեկտեմբերի 18-ին։

Դա տեղի էր ունեցել առանց այն էլ լարված իրավիճակի ֆոնին․ նոյեմբերի 22-ին Կոսովոյի ոստիկանությունը սկսել էր տուգանքներ սահմանել սերբական պետհամարանիշների համար։