Առեղծվածային դեպք՝ Սյունիքի մարզում

Դեպքի վայր են ժամանել ոստիկանության Գորիսի բաժնի օպերատիվ խումբը՝ օրվա պատասխանատու հերթապահի գլխավորությամբ։ 

Տեղում ոստիկանության Գորիսի բաժնից ահազանգել են ԱԻն ՓԾ 911 ճգնաժամային կառավարման կենտրոն և խնդրել, որպեսզի դեպքի վայր ժամանեն հրշեջ փրկարարները՝ դուռը բացելու համար։ 

Դեպքի վայր են ժամանել ԱԻՆ ՓԾ Գորիսի թիվ 55 հրշեջ փրկարարական ջոկատից 1 մարտական հաշվարկ։ 

Հրշեջ փրկարարները բացել են տան դուռը և նշված հասցեի սենյակներից մեկում՝ թիթեղյա տարայի մեջ, ձախ կողաշրջված վիճակում հայտնաբերել են տղամարդու դի։ 

Ահազանգով այնուհետև ժամանել են Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժնի խումբը՝ օրվա պատասխանատու հերթապահ քննիչի գլխավորությամբ։

Ոստիկաններն ու քննիչները պարզել են դիակի ինքնությունը, ով Սյունիքի մարզի բնակիչ՝ 66-ամյա Սուրիկ Հ-ն է։

Դեպքի փաստով սպանություն հատկանիշներով Գորիսի քննչական բաժնում նախաձեռնվել է քրեական վարույթ։ Քննիչի որոշմամբ նշանակվել է դիակի դատաբժշկական փորձաքննություն։ 

Հրշեջ-փրկարարները դին մոտեցրել են «Գորիս» ԲԿ-ի դի տեղափոխող ավտոմեքենային։