Նշվել են Իլոն Մասկի 20 ամենաարտասովոր թվիթները

Tesla-ի և SpaceX-ի ղեկավար Իլոն Մասկը 2022 թվականին խոսել է մարդկության ծնելիության ճգնաժամի և Մարսը գաղութացնելու պլանների մասին։ Business Insider-ը հավաքել է նրա 20 ամենաարտասովոր թվիթերը 2022 թվականի երկրորդ կիսամյակի ընթացքում։

«Մարդկությունը Մարս կհասնի մեր կենդանության օրոք», - հուլիսի 6-ին Թվիթերում գրել է Մասկը: Գործարարը վստահ է, որ այս նպատակին պետք է հասնել հնարավորինս արագ։ Այնուամենայնիվ, նա ծնելիության նվազումն անվանել է մարդկության գլխավոր ճգնաժամը։ «Սա ամենամեծ վտանգն է, որը սպառնում է քաղաքակրթությանը ներկա պահին»,- նշել է նա։

Մասկը նաև թվիթեր է հրապարակել, որոնք հիշեցնում են իր երկու ընկերությունների՝ Tesla-ի և SpaceX-ի կարգախոսները: «Tesla-ն պետք է պաշտպանի կյանքը Երկրի վրա, SpaceX-ը պետք է երկարացնի կյանքը», - գրել է միլիարդատերը:

Միաժամանակ, գործարարը պատմել է, թե որքան հաճախ են սկսել իր մասին գրել ԶԼՄ-ներում։ «Ցավոք սրտի, նույնիսկ իմ մասին աննշան հոդվածները շատ են կարդում: Ես կփորձեմ առավելագույնս կենտրոնանալ քաղաքակրթության համար օգտակար բաների վրա»,- նշել է նա թվիթերից մեկում։

Twitter-ի ձեռքբերումից հետո առաջին օրերին սոցցանցում շատերը դժգոհում էին ծառայության աշխատանքից։ Մասկը ակտիվորեն պատասխանել է իր քննադատներին։ Օրինակ, ԱՄՆ Ներկայացուցիչների պալատի անդամ Ալեքսանդրիա Օկասիո-Կորտեսին նա կատակով բացատրել է իր հաշվի հետ կապված խնդիրները՝ որպես «իշխանության բացահայտ չարաշահում» իր կողմից:

Ընկերությունը գնելուց առաջ Մասկը կատակել է, որ Tesla-Twitter-ի ապագա միաձուլումը կստեղծի Twizzler-ը: Միլիարդատերը խոսել է նաև նիհարելու անսովոր եղանակների մասին։ Մասկը բացատրել է, որ իր համար «օդային ճանապարհորդությունը քաղցած մնալու հնարավորություն է»։

Գործարարն ակտիվորեն օգտատերերի հարցումներ է անցկացրել։ Օրինակ՝ նա Թվիթերի իր հետևորդներին հարցրել է Ուկրաինայում ռազմական գործողության մասին։ Մասկը հրապարակել է նաև իր կարծիքը, թե ինչպես կարող են պայմանավորվել Ռուսաստանի և Ուկրաինայի իշխանությունները։