Տղամարդկանց մոտ լիբիդոյի նվազումը մեծացնում է վաղաժամ մահվան վտանգը

Յամագատա համալսարանի ճապոնացի հետազոտողները պարզել են, որ տղամարդկանց մոտ սեռական հետաքրքրության բացակայությունը  40 տարեկանից հետո մեծացնում է բոլոր պատճառներով վաղաժամ մահվան վտանգը: Հետազոտությունը հրապարակվել է PLOS One ամսագրում:

Հետազոտությանը մասնակցել է 40 տարեկան և ավելի բարձր տարիքի 21 հազար մարդ (8,5 հազար տղամարդ և 12,4 հազար կին): Մասնակիցները յոթ տարի ենթարկվել են ամենամյա բժշկական զննումների, այդ թվում՝ հետազոտողները հարցաթերթիկների միջոցով գնահատել են հարցվողների սեռական հետաքրքրության մակարդակը:

Հետազոտության յոթ տարիների ընթացքում ավելի քան 500 սուբյեկտ է մահացել. մահվան ամենատարածված պատճառներից են եղել քաղցկեղը և սրտանոթային համակարգի հիվանդությունները: Վերլուծությունը ցույց է տվել, որ բոլոր պատճառներով մահացությունը և քաղցկեղից մահացությունը զգալիորեն ավելի բարձր են եղել սեռական հետաքրքրության պակաս ունեցող տղամարդկանց շրջանում: Կանանց մոտ նման հարաբերություններ չեն նկատվել։

Հետազոտությունը ավելի արդյունավետ կերպով կբացահայտի ռիսկի խմբի տղամարդկանց: Այնուամենայնիվ, գիտնականները նշել են, որ փորձի բոլոր մասնակիցները ճապոնացիներ են եղել, ուստի արդյունքները չպետք է տարածվեն նաև այլ մարդկանց վրա: