Պեսկովը կասկած է հայտնել, որ Թուրքիան կարող է կասետային զինամթերք ուղարկել Ուկրաինա
Աշխարհ
ՌԴ նախագահի մամուլի քարտուղար Դմիտրի Պեսկովը մեկնաբանել է տեղեկությունն այն մասին, որ Թուրքիան սկսել է զինամթերք մատակարարել Ուկրաինային։
Ավելի վաղ Foreign Policy-ն, վկայակոչելով ԱՄՆ-ի և ԵՄ-ի ներկայացուցիչներին, գրել էր, որ Անկարան անցյալ տարվա նոյեմբերից Կիև է մատակարարում ամերիկյան տեսակի կասետային զինամթերք։
Կրեմլի խոսնակի խոսքով՝ այս տեղեկատվության հավաստիության մասին դժվար է խոսել։
«Իհարկե, դժվար է խոսել այդ զեկույցների հավաստիության մասին։ Դուք գիտեք, որ ավելի շատ կեղծիքներ կան, քան հավաստի և ճշմարտացի հաղորդագրություններ: Հետևաբար, իհարկե, մենք ուշադիր հետևում ենք այս ամենին», - մեկնաբանել է Պեսկովը հրապարակումը:
Նա հավելել է, որ Թուրքիան, լինելով ՆԱՏՕ-ի անդամ երկիր, ունի իր պարտավորությունները դաշինքի հանդեպ, մինչդեռ Մոսկվայի և Անկարայի միջև հաստատվել է փոխշահավետության և հարգանքի վրա հիմնված գործընկերություն։ Նա ընդգծել է Ռուսաստանի և Թուրքիայի կարողությունը՝ քննարկելու ամենաբարդ հարցերը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
