Ուկրաինայում հատուկ գործողության բոլոր նախկին նպատակները դեռ օրակարգում են. Պեսկով

Ռուսաստանի նախագահի մամուլի քարտուղար Դմիտրի Պեսկովը հունվարի 12-ին կայացած ճեպազրույցի ժամանակ ասել է, որ Ուկրաինայում ռուսական հատուկ գործողության բոլոր նպատակները, որոնք հայտարարվել էին 2022 թվականի փետրվարին, որն է հարևան պետության ապառազմականացումն ու ապաազգայնացումը, դեռևս արդիական են։ Կրեմլի խոսնակն ընդգծել է, որ նախագահ Վլադիմիր Պուտինը դեռ չի խոսել նոր նպատակների մասին, գրում է Gazeta-ն։

«Բոլոր նախկին նպատակները մնում են օրակարգում»,- ասել է Պեսկովը՝ հավելելով, որ Ռուսաստանը 2014 թվականին կշարունակի «ազատագրել» Դոնեցկի և Լուգանսկի Ժողովրդական Հանրապետությունները՝ իրենց համապատասխան շրջանների սահմաններում։

Ավելի վաղ Ռուսաստանի նախագահի աշխատակազմի ղեկավարի առաջին տեղակալ Սերգեյ Կիրիենկոն հայտարարել էր, որ հատուկ գործողության նպատակները կիրականացվեն՝ «չնայած Ուկրաինայի սադրանքներին»։