Ճապոնիայի նախկին վարչապետ Աբեի սպանության մեջ կասկածյալին մեղադրանք է առաջադրվել

Ճապոնիայի դատախազությունը մեղադրանք է առաջադրել ճապոնացի Տեցույա Յամագամիին Ճապոնիայի նախկին վարչապետ Սինձո Աբեի սպանության գործով, գրում է Yomiuri թերթը։

Յամագամին մեղսունակ է ճանաչվել հոգեբուժական փորձաքննությունից հետո:

Ավելի վաղ հաղորդվել էր, որ սեպտեմբերի 27-ին կայացած Ճապոնիայի նախկին վարչապետ Սինձո Աբեի պետական ​​հուղարկավորության ընդհանուր գումարը կազմել է մոտ 1,24 մլրդ իեն ​​(մոտ 8,4 մլն դոլար)։

Գործակալության տվյալներով՝ այս կերպ Ճապոնիայի կառավարությունը կարողացել է ծախսել 420 մլն իենով (մոտ 2,8 մլն դոլարով) ավելի քիչ ի սկզբանե հայտարարագրված ծախսերից։

Ըստ Kyodo-ի՝ այս թվերը վկայում են այն մասին, որ Ճապոնիայի կառավարությունը զգալիորեն կրճատել է Աբեի պետական ​​հուղարկավորության պահակության և արարողության անցկացման ծախսերը։ Ընդ որում, գործակալությունը ընդգծում է, որ այլ պետությունների բարձրաստիճան ներկայացուցիչներ միջոցառմանը ավելի կարճ ժամանակով են գտնվել, քան սպասվում էր Ճապոնիայի իշխանությունների կողմից։