Ուկրաինայի և Թուրքիայի հատուկ ծառայությունները գաղտնի գործողություն են իրականացրել

 2022 թվականի դեկտեմբերին թուրքական ինքնաթիռների մեկնումը Բորիսպիլից ապահովվել է Ուկրաինայի ու Թուրքիայի հատուկ ծառայությունների և պաշտպանության նախարարությունների համատեղ գաղտնի գործողության արդյունքում։

Այս մասին ուկրաինական լրատվամիջոցներին տված հարցազրույցում ասել է Թուրքիայում Ուկրաինայի դեսպան Վասիլի Բոդնարը։

«Ես գիտեմ, որ անվտանգության միջանցքները համաձայնեցված էին, քանի որ Ուկրաինայի օդային տարածքը վերահսկվում է մեր հակաօդային պաշտպանության ուժերի կողմից»,- ասել է նա։

Նրա խոսքով, օդանավակայանում կատարվել են անհրաժեշտ ինժեներատեխնիկական աշխատանքներ, որպեսզի ինքնաթիռները կարողանան օդ բարձրանալ։

Բացի այդ, համաձայնեցվել է ժամանակն ու հակաօդային պաշտպանության ստորաբաժանումները զգուշացվել են այդ ինքնաթիռների թռիչքի մասին։

«Երրորդ՝ դա գաղտնիք էր, որի մասին իմացան միայն այն ժամանակ, երբ ինքնաթիռները ժամանեցին»,- ասել է դիվանագետը։

Դեսպանի խոսքով՝ նախագիծն իրականացվել է Ուկրաինայի և Թուրքիայի պաշտպանության նախարարությունների փոխգործակցության շնորհիվ։

«Սա ցույց է տալիս այս գործողությունն իրականացրած պաշտպանության նախարարությունների և հատուկ ծառայությունների աշխատանքի հաջողությունը, մեր երկրների պաշտպանական գերատեսչությունների միջև վստահության մակարդակը: Կարծում եմ՝ մանրամասները կիմանանք պատերազմից հետո»,- ասել է նա։