Բայդենի մոտ 20 գաղտնի փաստաթուղթ է հայտնաբերվել

ԱՄՆ նախագահ Ջո Բայդենի մոտ երկու տասնյակ գաղտնի փաստաթուղթ է հայտնաբերվել, հայտնում է CBS News-ը՝ վկայակոչելով դաշնային իրավապահ մարմինների աշխատակցին։ «Աղբյուրի համաձայն՝ գաղտնի մակնշված փաստաթղթերի ընդհանուր թիվը մոտավորապես 20 է»,- ասվում է զեկույցում։

Ըստ աղբյուրի՝ այդ փաստաթղթերի մոտ կեսը հայտնաբերվել է Բայդենի վերլուծական կենտրոնում, և դրանց թվում եղել են խիստ գաղտնի նյութեր։ Մնացած թղթերը եղել են նախագահի տանը՝ Ուիլմինգթոնում (Դելավեր), բայց դրանցից ոչ մեկը խիստ գաղտնի չէ:
Այն, որ Բայդենը գաղտնի փաստաթղթեր է պահել իր անվան կենտրոնում գտնվող գրասենյակում, հայտնի է դարձել այս շաբաթ։ Ավելին, ըստ մամուլի հրապարակումների, նախագահի վստահելի անձինք դրանք հայտնաբերել են դեռևս նոյեմբերին կայանալիք Կոնգրեսի միջանկյալ ընտրություններից առաջ։ Ավելի ուշ Բայդենի օգնականները փաստաթղթերի նոր խմբաքանակ են գտել նրա առանձնատան ավտոտնակում։ Նշվում է, որ բոլոր փաստաթղթերը թվագրվում են Բայդենի՝ փոխնախագահ եղած ժամանակաշրջանին:

Բայդենը Օբամայի վարչակազմում փոխնախագահ է եղել 2009-2017 թվականներին։
Անցյալ տարվա օգոստոսին գաղտնի փաստաթղթերի տիրապետումը դրդեց հարձակում գործել նախկին նախագահ Դոնալդ Թրամփի Մար-ա-Լագոյի կալվածքում: Այժմ դրա պատճառով նրան սպառնում է քրեական հետապնդում։