ՆԱՏՕ-ն մեր երկրի անվտանգության լավագույն երաշխիքն է․ Զելենսկի

Արևմտյան երկրները պետք է ակտիվացնեն Կիևին զենքի մատակարարման տեսքով օգնությունը։ Այս մասին չորեքշաբթի օրը Դավոսում Համաշխարհային տնտեսական ֆորումում տեսակապի միջոցով ասել է Ուկրաինայի նախագահ Վլադիմիր Զելենսկին։

Նրա խոսքով՝ Կիևին առաջին հերթին անհրաժեշտ են հակահրթիռային պաշտպանության սարքավորումներ և տանկեր։

«Մեզ պետք է, որ շարունակվի աջակցությունն Ուկրաինային՝ մեզ զինամթերքով ապահովելու համար», - ասել է Զելենսկին։

«Մենք նաև ֆինանսական օգնության կարիք ունենք»,- հավելել է նա՝ նկատի ունենալով այն դժվարությունները, որոնց բախվում է ուկրաինական կողմը՝ կապված իր էներգետիկ ենթակառուցվածքներին հասցված վնասների հետ։

Ուկրաինայի նախագահը նաև կոչ է արել արագացնել Հյուսիսատլանտյան դաշինքի ընդլայնումը։

«Այս պահին մենք ՆԱՏՕ-ի անդամ չենք»,- ասել է նա։ «Սակայն մենք ՆԱՏՕ-ի ճանապարհին ենք, քանի որ ՆԱՏՕ-ն մեր, մեր երկրի անվտանգության լավագույն երաշխիքն է»։