Զելենսկին քննադատել է Արևմուտքին անվճռականության համար

Ուկրաինայի նախագահ Վոլոդիմիր Զելենսկին քննադատել է արևմտյան երկրների գործընկերներին տանկերի մատակարարման հարցում անվճռական լինելու համար։ Այս մասին նա հայտարարել է Դավոսի Համաշխարհային տնտեսական ֆորումում, փոխանցում է ՏԱՍՍ-ը։

Նրա խոսքով՝ լինում են դեպքեր, երբ նման հարցերում չպետք է վարանել։ Նա սխալ է համարել նաև այն հռետորաբանությունը, թե ԵՄ երկրները զենք են տալիս միայն այլ երկրների կողմից։

Ավելի վաղ հաղորդվել էր, որ ԱՄՆ-ն ավարտում է Ուկրաինային տրամադրվող ռազմական օգնության խոշոր փաթեթը, որի ընդհանուր գումարը կարող է հասնել 2,6 միլիարդ դոլարի։

Ակնկալվում է, որ փաթեթը կներառի մոտ 100 Stryker մարտական ​​մեքենա և առնվազն 50 Bradley զրահամեքենա, որը, Վաշինգտոնի կարծիքով, թույլ կտա ուկրաինական ուժերին ավելի արագ և անվտանգ շարժվել դեպի առաջնագիծ: Միաժամանակ, այն չի ներառի Ուկրաինայի պահանջած տանկերը, նշում է գործակալությունը։

Պաշտոնյաները նշել են, որ վերջնական թվերը կարող են փոփոխվել, քանի որ փաթեթի շուրջ քննարկումներ են ընթանում: