Մակրոնը կոչ է արել շարունակել երկխոսությունը Ռուսաստանի հետ

Ֆրանսիայի նախագահ Էմանուել Մակրոնը հայտարարել է Ռուսաստանի հետ երկխոսությունը շարունակելու անհրաժեշտության մասին։ Այս մասին նա խոսել է իսպանական EL PAÍS թերթին տված հարցազրույցում։

Ֆրանսիայի նախագահի խոսքով՝ չնայած Ուկրաինային աջակցությանը՝ անհրաժեշտ է պահպանել Ռուսաստանի հետ երկխոսություն վարելու հնարավորությունը։ Մակրոնը կարծում է, որ ուկրաինական հակամարտությունը հիմնված է ռուսական մոդելի և Ռուսաստանի՝ որպես տերության ճգնաժամի վրա, «որը փնտրում է իրեն և իր նպատակը»։

«Ռուսաստանը մեծ ժողովուրդ և մեծ ազգ է տարածքային և պատմական առումով: Շատ դժվար էր յուրացնել 1991 թվականից հետո ընկած ժամանակահատվածը։ Խոսքը վերաբերում է մի ժողովրդի, որը աշխարհագրորեն գտնվում է այդքան սահմանների մեջտեղում, որը ցնցվել է ահաբեկչության տարբեր ձևերից, որի ժողովրդագրական պատկերը նվազում է և շրջապատված է ժողովրդագրական հսկաներով: Նրանց ապագան վտանգված է»,- ասել է Մակրոնը։