Հայտնի է դարձել Իրանում մահապատժի ենթարկված բրիտանացի լրտեսի հոնորարը
Աշխարհ
Իրանի պաշտպանության նախկին նախարարի խորհրդական Ալիրեզա Աքբարին, ով մահապատժի է ենթարկվել բրիտանական հետախուզական MI6 ծառայության օգտին լրտեսելու համար, բրիտանական կառավարությունից ստացել է ավելի քան երկու միլիոն եվրո։ Այս մասին հայտնում է իրանական Tasnim հրատարակությունը՝ վկայակոչելով Իրանի տեղեկատվության և ազգային անվտանգության նախարարության հայտարարությանը։
Իրանի գերատեսչության ներկայացուցիչները նշում են, որ Իրանի հրթիռային նախագծերի, ինչպես նաև Թեհրանի կողմից պատժամիջոցները շրջանցելու ուղիների մասին տեղեկությունների համար ստացած դրամական պարգևներից բացի, Աքբարին բրիտանացիներից ստացել է նաև անշարժ գույք Լոնդոնում, Վիեննայում և հարավային Իսպանիայում, ինչպես նաև բրիտանական քաղաքացիություն։
«Ալիրեզա Աքբարիի կողմից իր երկրի հանդեպ դավաճանությունը բրիտանական ռեժիմի կեղտոտ մեթոդների արդյունքն էր, որն օգտվել էր նրա թուլությունից»,- ասվում է գերատեսչության հայտարարության մեջ։
Հունվարի 14-ին Իրանում Աքբարին կախաղանի միջոցով մահապատժի է ենթարկվել։ Երկրի իշխանությունները նախկին պաշտոնյային մեղավոր են ճանաչել Մեծ Բրիտանիայի օգտին լրտեսության և կոռուպցիայի մեջ։ Ինքը՝ մեղադրյալը, հերքել էր այս մեղադրանքները։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
