Տարիներով չբացահայտվող գործեր և բողոքների տեղատարափ. ինչո՞վ է «աչքի ընկել» նախկին քննիչ Արթուր Պողոսյանը

Ինչպես և խոստացել էինք մեր ընթերցողներին, շարունակում ենք ուշադրության կենտրոնում պահել «Սեքյուրիթի Դրիմ» ընկերության նախկին տնօրեն, Արաբկիր վարչական շրջանի քննչական բաժնի նախկին պետ Արթուր Պողոսյանի  կարիերային առնչվող ուշագրավ դրվագները:

Ինչպես և գրել էինք մեր նախորդ հոդվածներում, Պողոսյանը հասցրել է  իրավապահ համակարգում աշխատելու տարիներին «աչքի ընկնել», քննիչի կարիերան ավարտելուց hետո էլ արդեն ինքն է հայտնվել իրավապահ համակարգի ուշադրության կենտրոնում:

Սակայն, դեռևս կան դրվագներ, որոնց չենք անդրադարձել: Դիցուք՝ Պողոսյանի՝ Արաբկիրի քննչական բաժնի պետ աշխատելու տարիներին վերջինիս բաժնում քննվել են մի շարք ռեզոնանսային դեպքեր, որոնց բացահայտումը այդպես էլ «գրվել է սառույցին» և դրանք երկար ժամանակ պարզապես առկախված են մնացել: Նման գործերից մեկն էր ՝ 68-ամյա կնոջ նկատմամբ սպանության փորձ կատարելու դեպքի առթիվ հարուցված քրեական գործը, որը բացահայտվեց քրեական գործը հարուցելուց բավական երկար ժամանակ անց:

Շատերի հիշողության մեջ դեռևս թարմ է 2016-ի դեկտեմբերին Երևանյան մի շարք բանկերի վրա ավազակային հարձակումների շարքը, որի ժամանակ բանկոմատներ էին պայթեցվել: Եվ չնայած այն հանգամանքին, որ այս հանցագործության բացահայտումը ինչ-որ տեղ նաև պատվի հարց էր ((ի վերջո հանցագործությունը տեղի  է ունեցել իրավապահների քթի տակ), այն նույնպես երկար ժամանակ չէր բացահայտվում: Սառույցին գրվեց նաև 2016-ին նորակառույց շենքում բնակարան տրամադրելու պատրվակով խարդախությամբ առանձնապես խոշոր չափի գումար հափշտակելու դեպքի առթիվ հարուցված քրեական գործը, որի բացահայտմանը նույնպես ստիպված էինք ահագին սպասել:

Բացի այդ, Պողոսյանի ղեկավարման տարիներին Արաբկիրի քննչական բաժնում կարճված վարույթները քիչ չէին, ինչի հետևանքով էլ դատարաններում հայտնվում էին քաղաքացիների կողմից ներկայացված բողոքարկումները: Գրանցվել են նաև դեպքեր, երբ վերաքննիչ դատարանը է պարտավորեցնել վարույթն իրականացնող մարմնին՝ տվյալ դեպքում Արաբկիրի քննչական բաժնին վերացնել բողոքաբերի իրավունքների եւ ազատությունների խախտումը: Ասել է թե, այստեղ էլ գործ ունենք քրեական հետապնդում չիրականացնելու մասին կայացրած ապօրինի որոշման հետ:

ՀՀ դատարանների կողմից քննչական սխալներով պայմանավորված արդարացման դատական ակտերի ուսումնասիրությունը ցույց է տալիս, որ այս հարցում էլ Պողոսյանի բաժինը «առաջատարներից» էր: Վերջինիս ղեկավարած բաժնում միայն  2015-ին թվականի ընթացքում չորս նման սխալ է արձանագրվել, ինչը ահռելի մեծ թիվ է:

Եվ չնայած վերը նշված, առաջին հայացքից լրջագույն բացթողումների՝ Արթուր Պողոսյանը նաև փիառվելու առիթ և ժամանակ էր գտնում: Մասնավորապես, 2015 թվականին Արաբկիրի քննչական բաժնում հարուցվել էր քրեական գործ՝ 21-ամյա աղջկան առեւանգելու փորձ կատարելու դեպքի առթիվ, իսկ հանցագործությունը կանխած Երեւանի բնակչուհուն հայտարարվել էր շնորհակալություն․ Արթուր Պողոսյանը նրան անձամբ էր իր մոտ հրավիրել «երախտիքի խոսքեր հայտնելու նպատակով»: 

Այսպիսով, ակնհայտ է դառնում, որ Արթուր Պողոսյանի ղեկավարման տարիներին Արաբկիրի քննչական կոմիտեն, մեղմ ասած, պարապուրդի էր մատնված և միակ ռեկորդը որ սահմանվել էր, դա քաղաքացիների կողմից քննիչների որոշումները բողոքարկող դիմումների քանակն էր: Lurer.com-ը կշարունակի հետամուտ լինել Պողոսյանի գործունեության ուշագրավ դրագները ներկայացնելուն, իսկ բոլոր այն քաղաքացիներին ովքեր ունեն տեղեկատվություն վերջինիս գործունեության մասին կամ որևէ կերպ տուժել են այդ գործունեության արդյունքում և կցանկանան հանրության դատին ներկայացնել իրենց պատմությունը՝ կարող են կապվել մեր խմբագրության հետ [email protected] էլեկտրոնային հասցեով:

Այս թեմայով Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Ճիշտ առաջնորդություն ու ճիշտ կազմակերպում և ամեն ինչ կարող ենք վերադարձնել․ Խաչատրյան «Ժողովուրդ». Արթուր Երիցյանի որդին ՀՀ քաղաքացի չէ․ ի՞նչ է հայտարարագրել որդուն բանակից ազատած հերթական ՔՊ-ականը «Կեղծ, բացառապես քաղաքական նպատակներով կալանավորված Գերասիմ Վարդանյանն արդեն 100 օր ճաղերի հետևում է». Արթուր Խաչատրյան