Նիգերիայում հարսանիքից հետո մոտ հարյուր մարդ է մահացել
Աշխարհ
Նիգերիայի հյուսիսում հարսանիքից վերադարձող հյուրերին տեղափոխող նավը շրջվել է, ինչի հետևանքով զոհվել է մոտ 100 մարդ, հայտնում են տեղական իշխանությունները։
Ըստ տեղական ոստիկանության հաղորդագրության, նավը շրջվել է երկուշաբթի վաղ առավոտյան Կվարա նահանգի Նիգեր գետի վրա: Զոհերը, այդ թվում կանայք և երեխաներ, վերադառնում էին Նիգեր նահանգի Էգբոթի գյուղում հարսանեկան արարողությունից։ Նավը խորտակվել է գիշերը մոտավորապես ժամը 3-ին, իսկ դեպքի մասին հայտնի է դարձել միայն մի քանի ժամ անց։
Երեքշաբթի կեսօրին պաշտոնյաները և տեղացիները դեռ մարմիններ էին որոնում գետում, որը Նիգերիայի ամենամեծերից մեկն է: Նավերի վթարները հաճախ տեղի են ունենում Նիգերիայի շատ հեռավոր համայնքներում, որտեղ տեղական արտադրության նավակները հաճախ օգտագործվում են որպես տրանսպորտ:
Ամենադիտված 
Մնաս բարյավ. Րաֆֆի Հովհաննիսյան
