Սպանդանոցների հարցը պետք է տեղափոխել իրավական դաշտ. Արմեն Դանիելյան

«Ըստ նախագծի առաջարկվում է հստակեցնել սննդի և շղթայի այն փուլերը և  գործողությունները, որոնց ընթացքում ֆիզիկական և իրավաբանական անձինք պարտավոր են ապահովել սպանդանոցային ապահովման, կենդանական ծագման մթերքի և հումքի պարտադիր լինելու պահանջը: Նախատեսվում է սահմանել, որ ոչ սպանդանոցային մորթի արդյունքում ստացված կենդանական ծագման հումքը և մթերքը հայտնաբերելու դեպքում, կասեցվում է իրացումը և առգրավումը, ինչպես նաև տեսչական մարմնի կողմից այն ոչնչացվում է: Ոչնչացման կարգը, սահմանելու է կառավարությունը»:

Տարածքային կառավարման, գյուղատնտեսության և շրջակա միջավայրի հարցերի հերթական նիստի ժամանակ, անասնաբուժության օրենքի մեջ փոփոխություններ կատարելու մասին խոսել է  աշխատանքների համակարգման գրասենյակի ղեկավարի պարտականությունները կատարող Արմեն Դանիելյանը:

Քանի՞ գույքագրված գործող սպանադանոցներ կան և ըստ տարածաշրջանների քանի՞սն են դրանք՝ հարցին Դանիելյանը պատասխանեց.

«Այս հարցը նախագծի առաջացման հիմքերից է: Իսկզբանե շուրջ 100 սպանդանոցներ ձևավորվեցին 2020 թվականից սկսած, սակայն ոչ էֆեկտիվ լինելու արդյունքում, սպանդանոցների գործունեությունը դարձավ տնտեսապես ոչ ձեռնտու»:

Դանիելյանի խոսքով՝ խստացումների մի մասը պայմանավորված է գործող սպանդանոցների համար թույլտվություն ստեղծելու արդար իրավիճակով, քանի որ շատ անհատներ կատարել են ներդրումներ, սակայն պահանջարկ չի եղել:

Առաջադրված հարցին, թե ինչպե՞ս է հնարավոր սպանդանոցներն առանց կանոնավորելու տեղափոխել իրավական դաշտ,- Դանիելյանը ասաց. «Լուծումների հետ կապված մենք օրենքի ուժի մեջ մտնելուց հետո տալիս ենք 3 ամիս ժամանակ, բայց շարունակելու ենք մտածել ավելի արդյունավետ լուծումներ»:

Խոսելով մի շարք խնդիրների մասին՝  նա հավելեց, որ միանշանակ ոչինչ չի կարող ասել,  և քննարկումները դեռ պետք է շարունակվեն: