Մբապեն մեղադրվում է բռնաբարություն գործելու մեջ

Մադրիդի «Ռեալի» հարձակվող Կիլիան Մբապեին շվեդական օրենսդրությամբ սպառնում է մինչև 6 տարվա ազատազրկում։ Դա տեղի կունենա, եթե մեղադրող կողմն ապացուցի ֆրանսիացու մեղքը։ Cerfia –ի հաղորդմամբ,  հարձակվողի անունը փաստացի հայտնվել է գործում որպես գլխավոր կասկածյալ. հենց Մբապեին է մատնանշել տուժող կողմը։

sport.ru-ն գրում է, որ եթե բռնաբարության փաստն ապացուցվի, ապա Շվեդիայի քրեական օրենսգիրքը պատիժ է նախատեսում 6 տարի ժամկետով, իսկ ծանրացնող հանգամանքների դեպքում՝  մինչև 10 տարի ժամկետով։

Հոկտեմբերի 14-ին հայտնի է դարձել, որ Ստոկհոլմի ոստիկանությունը հետաքննություն է սկսել բռնաբարության վերաբերյալ բողոքի առնչությամբ, որն իբր տեղի է ունեցել այն հյուրանոցում, որտեղ այդ պահին հանգստանում էր Մբապեն։ Տուժած կինը միջադեպի համար մեղադրել է ֆրանսիացի ֆուտբոլիստին։

 Մբապեն հերքել է միջադեպին իր մասնակցության մասին տեղեկությունը։ Նրա փաստաբանը հայտնել է, որ ֆուտբոլիստը  զրպարտության վերաբերյալ բողոք կներկայացնի:
 

Աղբյուր` Panorama.am