Հարիսը կասկածի տակ է դրել Թրամփի «պիտանելիությունը»
ԱՄՆ
ԱՄՆ նախագահի թեկնածու Քամալա Հարիսը Միչիգանում նախընտրական քարոզարշավի ժամանակ կրկին կասկածի տակ է դրել իր հակառակորդ Դոնալդ Թրամփի՝ Սպիտակ տանը ծառայելու պիտանելիությունը, գրում են միջազգային ԶԼՄ-ները։
«Ես լսել եմ հաղորդումներ, որ առնվազն նրա թիմն ասում է, որ նա տառապում է գերհոգնածությունից: Միացյալ Նահանգների նախագահ լինելը, հավանաբար, աշխարհի ամենադժվար գործերից մեկն է: Ուստի մենք պետք է հարցնենք, թե արդյոք նա հոգնել է քարոզարշավից կարևոր այդ աշխատանքի համար», - ասել է Հարիսը:
Թրամփի տարիքն ու խելամտությունը ուշադրության կենտրոնում են հայտնվել հատկապես այն բանից հետո, երբ ԱՄՆ 81-ամյա գործող նախագահ Ջո Բայդենը դուրս մնաց ընտրապայքարից։
Հարրիսը, ով շուտով կդառնա 60 տարեկան, վերջերս հրապարակել է իր բժշկական տեղեկագրերը։ Այնուհետև նա քննադատել է Թրամփին այն բանի համար, որ նա չի անում նույնը, ինչ սովորաբար անում են նախագահի թեկնածուները։
Եթե 78-ամյա Թրամփն ընտրվի Միացյալ Նահանգների նախագահ, նա կգերազանցի նախագահ Բայդենի ռեկորդը՝ որպես պետության ամենատարեց ղեկավար, ով ստանձնում է այդ պաշտոնը։
Ամենադիտված 
Հարսանիքից առաջ հարսը ուրիշի հետ փախել է
