Ռուսաստանը ոչ թե պայքարում է դոլարի դեմ, այլ այլընտրանքներ է փնտրում. Պուտին (տեսանյութ)

Ռուսաստանը չի հրաժարվում դոլարից և չի պայքարում դրա դեմ, այլ այլընտրանքներ է փնտրում հետագա աշխատանքի համար։ Այս մասին ասել է ՌԴ նախագահ Վլադիմիր Պուտինը BRICS-ի գագաթնաժողովի ընդլայնված կազմով հանդիպմանը, հաղորդում է ՌԻԱ Նովոստին։

«Դոլարն օգտագործվում է՝ որպես զենք։ Մենք տեսնում ենք, որ դա այդպես է։ Ես կարծում եմ, որ դա նրանց մեծ սխալն է։ Դոլարը դեռևս համաշխարհային ֆինանսների ամենակարևոր գործիքն է։ Բայց մենք դա չենք անում։ Մենք չենք թողնում դոլարը, մենք դրա դեմ չենք պայքարում, բայց եթե մեզ թույլ չեն տալիս աշխատել, մենք ստիպված ենք այլընտրանքներ փնտրել», - ասել է ՌԴ նախագահը։

Կազանի BRICS գագաթնաժողովը, որին մասնակցում են 36 երկրների և վեց միջազգային կազմակերպությունների ներկայացուցիչներ, մեկնարկել է հոկտեմբերի 22-ին։ Գագաթնաժողովը կլինի եզրափակիչ միջոցառումը ասոցիացիայում Ռուսաստանի Դաշնության նախագահության շրջանակներում, որն անցկացվում է բազմակողմանիության ամրապնդման կարգախոսով՝ հանուն համաշխարհային արդար զարգացման և անվտանգության։