Մենք պատրաստ ենք հենց այսօր ստորագրել խաղաղության պայմանագիրը. Ռուբեն Ռուբինյան
Քաղաքական
Հիմա փորձ է արվում խաղաղության պայմանագրի ստորագրումը դարձնել հնարավոր և մենք անում ենք ամենը, որ կարող ենք այդ ուղղությամբ։ Այս մասին, այսօր՝ հոկտեմբերի 24-ին, ԱԺ-ում լրագրողների հետ ճեպազրույցի ժամանակ ասաց ԱԺ նախագահի տեղակալ Ռուբեն Ռուբինյանը։
«Մենք պատրաստ ենք արդեն իսկ համաձայնեցված հոդվածներով պայմանագիրը հենց այսօր ստորագրել։ Պատրաստ ենք նաև ընդհանուր առմամբ շարունակել բանակցությունները խաղաղության պայմանագրի ստորագրման շուրջ »,- նշեց նա
Արձագանքելով հարցին, թե Թուրքիայի և ՀՀ ԱԳ նախարարների հանդիպումների ընթացքում քննարկվե՞լ է արդյոք ապաշրջափակման հարցը, և ի՞նչ դիրքորոշում ունի Թուրքիան այդ հարցի վերաբերյալ՝ Ռուբինյանը պատասխանեց․ «Մենք մեր բոլոր հարևաններին և գործընկերներին ներկայացրել ենք «Խաղաղության խաչմերուկ» նախագիծը, որում արտացոլված է մեր տեսլականը և պատրաստակամությունը՝ տարածաշրջանում բոլոր կոմունիկացիաների ապաշրջափակման առումով: Ես պատճառ չեմ տեսնում, թե ինչու պետք է մեր որեւէ հարեւան չողջունի այդ նախագիծը: Կարծում եմ՝ Թուրքիան պետք է որ դրական վերաբերվի տարածաշրջանային կոմունիկացիաների ապաշրջափակմանը, որովհետև դա օգտակար կլինի բոլորի, այդ թվում՝ Թուրքիայի համար»,- ասաց Ռուբինյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
