Ռեփեր Քարդի Բին շտապ հոսպիտալացվել է

Ամերիկացի հայտնի ռեփ կատարող Քարդի Բին (իսկական անունը՝ Բելկալիս Մարլենիս Ալմանզար) շտապ հոսպիտալացվել է։ Այս մասին նա հայտնել է իր X էջում։

Առողջական խնդիրների պատճառով արտիստուհին չեղարկել է իր ելույթը ONE Musicfest-ում։ «Սիրտս կոտրվում է, որ այս շաբաթավերջին չեմ կարողանա տեսնել իմ երկրպագուներին, ես իսկապես կցանկանայի, որ կարողանայի այնտեղ լինել: Շնորհակալություն ըմբռնման համար, ես շուտով կվերադառնամ և կլինեմ էլ ավելի լավն ու ուժեղ: Մի անհանգստացեք: Սիրում եմ բոլորիդ»,- գրել է նա։