Երկու արգանդ, երեք երիկամ․ 31–ամյա կնոջ մոտ 5 լրացուցիչ օրգան է հայտնաբերվել

Մել Պլականիկա անունով 31-ամյա կինը դիմել է բժիշկներին որովայնի ուժեղ ցավերի և արյունահոսության պատճառով։ Հետազոտությունից հետո նրա մոտ հինգ լրացուցիչ օրգան է հայտնաբերվել, հաղորդում է The Sun-ը:

Պլականիկան պատմել է, որ ստամոքսի ցավերն անտանելի էին, և պարբերաբար արյունահոսություն էր լինում։ Հերթական նոպայից հետո մայրը կնոջը տեղափոխել է հիվանդանոց, որտեղ սկանավորման ժամանակ հայտնաբերել է արգանդի մոտ գտնվող գոյացություն։ Բժիշկները կարծել են, որ դա ուռուցք է, սակայն նրանց մտավախությունները չեն հաստատվել։

Ծանր վիճակի պատճառը պարզելու հետագա փորձերը հանգեցրել են անսպասելի բացահայտման։ Սկանավորումը ցույց է տվել, որ Պլականիկան ուներ երկու արգանդ, չորս ձվարաններ, երկու արգանդի վզիկ և երեք երիկամ՝ ընդհանուր առմամբ հինգ լրացուցիչ օրգան: Շուտով հեռացրել են կնոջ մեկ արգանդը և երկու ձվարանը, ինչպես նաև երկու արգանդի վզիկը միավորվել են մեկի մեջ: Բժիշկները հայտնաբերել են նաև էնդոմետրիոզ, որն էլ եղել էր որովայնի ուժեղ ցավերի պատճառը։