Որ մթերքներն են օգնում հաղթահարել սթրեսն ու ավելորդ քաշ չհավաքել

Սթրեսը մարդու կյանքի կարևոր մասն է: Այն հաճախ պատճառ է դառնում վնասակար սնունդ ընդունելու համար: Որ մթերքներն են ձեզ փրկում սթրեսից և բարձրացնում տրամադրությունը՝ առանց ավելորդ կիլոգրամներ ավելացնելու՝ թվարկել է սննդաբան Պոլինա Ժուրավլյովան։

«Սթրեսի ժամանակ կարևոր է նախ սնուցել ուղեղը, քանի որ այն ամենաշատն է գտնվում հարվածի տակ: Սա բարդ օրգան է և մշտական սնուցում է պահանջում։ Կան մթերքներ, որոնք կարող են բարձրացնել սերոտոնինի մակարդակը՝ հորմոն, որն օգնում է հաղթահարել անհանգստությունն ու դեպրեսիան: Փոխարենը մենք հաճախ միայն վատացնում ենք մեր վիճակը՝ սխալ սնվելով ու դա ալկոհոլով համեմելով, ինչը միայն ուժեղացնում է դեպրեսիվ վիճակները, անհանգստությունը»,- բացատրել է սննդաբանը։

Մասնագետը խորհուրդ է տալիս ուտել յուղոտ ձուկ (սաղմոն, թունա, սկումբրիա), ընդեղեն՝ ընկույզ, նուշ, նաև՝ չիայի և կտավատի սերմեր, վարսակի ալյուր, բրնձի մուգ տեսակներ, ամբողջական հատիկային հաց։ Ժուրավլյովան նշում է, որ այս մթերքները պարունակում են մեծ քանակությամբ B վիտամին, որն անհրաժեշտ է նյարդային համակարգի ճիշտ աշխատանքի համար։

Եթե սթրեսի ժամանակ ինչ-որ քաղցր բան եք ուզում, ապա դառը շոկոլադն իդեալական է՝ ասում է մասնագետը։ Դա պայմանավորված է նրանով, որ այն պարունակում է հակաօքսիդանտներ և խթանում է էնդորֆինների արտադրությունը:

«Բնական հակադեպրեսանտները հատապտուղներ են, որոնք ոչնչացնում են օրգանիզմում ազատ ռադիկալները: Հապալասը, ազնվամորին և ելակը կատարյալ են: Մի մոռացեք բանջարեղենի մասին։ Հատկապես օգտակար են սպանախը, կաղամբը, հազարը»,- նշում է սննդաբանը։

Աղբյուր` Փաստինֆո