Սեուլում բացվել է աշխարհում առաջին թանգարանը՝ նվիրված ռոբոտներին եւ արհեստական բանականությանը

Սեուլի նորագույն թանգարանում մարդկային հպում չի լինելու, եւ դա է թանգարանի նորարարությունը։ Հարավային Կորեայի մայրաքաղաքում բացվել է աշխարհում առաջին թանգարանը՝ նվիրված ռոբոտներին եւ արհեստական բանականությանը։

Ռոբոտների եւ արհեստական բանականության թանգարանը (RAIM), որը տիեզերանավ է հիշեցնում՝ ձվի տեսքով, ծածկված է հարթ սպիտակ սալիկով, նախագծվել է Melike Altınışık Architects թուրքական ընկերության կողմից որպես մի ինչ-որ ավելի մեծ բան, քան ձոնն է տեխնոլոգիաներին։ «Բանը մարդկանց եւ տեխնոլոգիաների միջեւ ավելի խոր կապերի ստեղծումն է, որոնք ձեւավորում են մեր ապագան՝ առաջարկելով փորձ, որը նույնքան գրավիչ է, որքան եւ նշանակալի»,- ասել է Dezeen պարբերականին ճարտարապետը։

79 650 քառակուսի ֆուտ մակերես ունեցող փայլուն կառույցը ստեղծվել է այնպես, որպեսզի լինի առավելագույն չափով ճկուն, արտացոլելով տեխնոլոգիաների փոփոխական բնույթը։ Այցելուները ներսում կարող են մասնակցել ամեն ինչի՝ ցուցահանդեսներից մինչեւ ավելի բարդ գործնական, փորձարարական միջոցառումների, այդ ամենն ուղղված է լայն հանրության եւ այն բանի միջեւ խզումը հաղթահարելուն, ինչն ընկալվում է որպես նուրբ գիտություն։

Թանգարանի առաքելությունը սրանով չի ավարտվում։ Հաստատությունում հուսով են միավորել պրոֆեսիոնալներին ակադեմիական եւ բիզնեսի տարբեր շրջանակներից, որպեսզի ամրապնդեն իրենց տեղը ավելի լայն հանրույթում։

News.am