Աշխարհի ամենահայտի նապաստակները

Գիտեի՞ք, որ աշխարհի ամենաճանաչելի լոգոն ամերիկյան «Playboy» ամսագրին է՝ նապաստակի գլուխ, որ կրում է թիթեռնիկ փողկապ։

Առհասարակ նապաստակի կերպարը ասոցացվում է կենսախնդության, արագության և ճարպկության հետ, ուստի համաշխարհային շատ բրենդներ այն ընտրել են որպես ապրանքանշան՝ լոգո։ 

«Playboy» ամսագրի արտ-տնօրեն Արթուր Պոլը հանրահայտ նապաստակին նկարել է ընդամենը կես ժամում և չի էլ պատկերացրել, որ այն հայտնի կդառանա ամբողջ աշխարհում և կլինի ամենահայտնիներից մեկը։

Ի դեպ, մինչ այդ ամսագրի հիմնադիր Հյու Հեֆները նախատեսել էր, որ լոգոն պետք է լինի սմոքինգ հագած եղջերու, որը նկարել էր նրա ընկեր, ծաղրանկարիչ Արվա Միլլեր։

Փոքր ժամանակ գրեթե բոլորս շատ սիրել ենք «Nesquik» ընկերության շոկոլադները և ըմպելիքները։

Բրենդը հիմանդրվել է 1948 թվականին՝ ԱՄՆ-ում, բայց ավելի հայտնի է դարձել, երբ 1973 թվականի գովազդային արշավի ժամանակ վարդագույն նապաստակը դարձավ ելակի համով կաթնային ըմպելիքի խորհրդանիշն, իսկ հետագայում նաև ամբողջ բրենդինը։

Թվում է, թե նապաստակի կամ ճագարի կերպարը հատկանշական միայն «թեթև» բրենդներին, բայց՝ ոչ։

«Playboy»-ից և «Nesquik»-ից շատ ավելի վաղ՝ 1899 թվականին, գերմանական գազի կաթսաներ արտադրող հանրահայտ «Vaillant» ընկերությունը նույնպես բրենդի ապրանքանշան է դարձրել նապաստակին, այս դեպքում այն սովորական նապաստակ չէր, այլ Զատկի տոնը խորհրդանշող։

1899 թվականին Զատկի կիրակի օրը, ընկերության հիմնադիր Յոհան Վայլանտի երեխաներրը խաղում էին հյուրասենյակում, իսկ նա կարդում է «Alte und Neue Welt» (Հին և Նոր աշխարհ) ամսագիրը, որտեղ տեսնում է հետաքրքրաշարժ մի նկար՝ հավկիթի միջից դուրս եկող նապաստակ։ Նկարը շատ է դուրս գալիս նրան և որոշում է այն դարձնել այն ընկերության լոգոտիպը։

Հատկանշական է, որ ընկերությունը մի քանի նորարություն է կատարել գազի կաթսաների արտադրության շուկայում։ Առաջինն է օգտագործել կենդանու կերպարով լոգո, առաջին է սկսել մասսայկանորեն արտադրել «փակ համակարգով», գազով աշխատող լոգարանի կաթսա, իսկ 1924-ին առաջ անգամ շուկա է ներմուծել կենտրոնական ջեռուցման կաթսայի գաղափարը և կիրառությունը, որը մինչ օրս օգտագործվում է ամբողջ աշխարհում։

Հետագայում լոգոտիպը փոփոխվել է, դառնալով կանաչ գույնի։ Այս պահին էլ «Vaillant»-ի նապաստակը ամենաճանաչելի ապրանքանշաններից մեկն է գազի կաթսաներ արտադրող ընկերությունների մեջ։ Այն խորհրդանշում է լավագույն որակ, երկարակեցություն, գին-որակ իդեալական համադրություն։

«Nesquik»-ի հետ զուգահեռ՝ 1973 թվականին, առաջին անգամ վարդագույն նապաստակի կերպարը օգտագործեց նաև մարտկոցներ արտադրող «Duracell» ընկերությունը իր գովազդային արշավի ընթացքում։ Դրանից հետո ակտիվ և արագաշարժ նապաստակը դարձավ ընկերության խորհրդանիշն ու հաջողության գրավականը։