Պահանջում եմ քայլեր «Գոյ» թատրոնի ապագայի ապահովման համար․ թատրոնի կառավարման խորհրդի նախագահ

«Գոյ» թատրոնի կառավարման խորհրդի նախագահ Սարգիս Արզումանյանը գրում է․

«Պահանջում եմ քայլեր «Գոյ» թատրոնի ապագայի ապահովման համար։
 

Հարգելի հայրենակիցներ,

Դիմում եմ ձեզ` որպես մեր երկրի մշակութային ժառանգության և ստեղծագործական ազատության աջակիցներ։ Արդեն Մեկ տարի և յոթ ամիս «Գոյ» թատրոնը կանգնած է լուրջ սպառնալիքների առաջ, որոնք կարող են վնասել ոչ միայն մեզ, այլև ողջ մշակութային դաշտին։
 

Գոյ թատրոնը տարիներ շարունակ եղել է նորարարական և լաբորատր - փորձարարական արվեստի հարթակ՝ տրամադրելով հնարավորություններ երիտասարդ ստեղծագործողներին և հանդիսատեսին։ Սակայն այսօր Թատրոնի գոյությունը վտանգված է՝ անհեթեթ և անհիմն խնդիրների պատճառով։
 

Ես խնդրում եմ ձեզ միանալ մեր պայքարին և հանդես գալ հստակ պահանջներով։ Ձեր աջակցությունը՝ սոցիալական մեդիայում, հանրային միջոցառումներում, ԿԳՄՍ նախարարությանը և կառավարությանը ուղղված նամակներով, կարող է վճռորոշ լինել։
 

Մեր միասնական ձայնը կարող է ապահովել, որ մշակույթը շարունակի ծաղկել և զարգանալ Հայաստանում։

Եկեք պաշտպանենք մեր մշակույթը։
 

Հարգանքով,

Սարգիս Արզումանյան»։