Փոխքաղաքապետի դիմումին ընթացք է տրվել․ գործադուլ իրականացրած վարորդները քրեական պատասխանատվության կենթարկվե՞ն

ՀՀ գլխավոր դատախազությունը ստացել է Երևանի փոխքաղաքապետ Սուրեն Գրիգորյանի՝ հաղորդումը հանցագործության մասին։ Այս մասին Euromedia24-ի հետ զրույցում հայտնեցին ՀՀ գլխավոր դատախազությունից։ 

«Երևանի փոխքաղաքապետի կողմից հաղորդումը ստացել ենք, որին համապատասխան ընթացք է տրվել»,- նշեցին ՀՀ գլխավոր դատախազությունից՝ անդրադառնալով նախօրեին «Երևան ավտոբուս» ՓԲԸ-ի վարորդների իրականացրած գործադուլին։

Հիշեցնենք, որ  դեկտեմբերի 3-ին Երևանի փոխքաղաքապետ Սուրեն Գրիգորյանը լրագրողների հետ զրույցում հայտնել էր, որ հաղորդում է ներկայացրել ՀՀ գլխավոր դատախազություն՝«Երևան ավտոբուս» ՓԲԸ-ի վարորդների գործողությունների  իրավաչափությունը քննության առնելու հիմքով։ 

Վարորդները երեկ վաղ առավոտից գործադուլ էին իրականացնում՝ դժգոհելով աշխատանքային պայմաններից, պահանջում էին վերանայել աշխատավարձերը, բարելավել աշխատանքային պայմանները։
Գործադուլի հետևանքով 3-4 ժամ պարալիզացվել էր քաղաքային տրանսպորտը, ինչի հետևանքով , ըստ պաշտոնական տվյալների, աշխատանքից ազատվել է 32 վարորդ։