Քննիչին ասել եմ՝ հեռախոսիս մեջ լիքը այնպիսի բաներ ունեմ, որ չեմ ուզի կարդաք․ մեջից շատ նյութեր հայտնվել է վարչապետի մոտ․ Աղազարյան
Քաղաքական
Ես ՔՊ նիստում զարմացած հարցրի վարչապետին, թե ոնց է եղել, որ իմ անձնական դաշտին վերաբերող, նյութեր են հայտնվել վարչապետի մոտ: Այս մասին լրագրողների հետ զրույցում ասաց Հովիկ Աղազարյանը:
Աղազարյանը նշեց, որ Քյարամյանի հետ կապված միջադեպի շրջանակներում հարցաքննություն է եղել ու իր հեռախոսը առգրավել են։
«Հեռախոսս 10 օրից ավելի գտնվել է այդ քննիչի մոտ, փաստորեն և քննիչը ինքը ասաց, որ իրենց հետաքրքրում է միայն ու միայն այն հեռախոսազանգերը, որոնք կապ ունեն պարոն Քյարյամյանի հետ այդ գործով:
Ես ասեցի՝ խնդիր չունեմ, բայց ես այնտեղ լիքը այնպիսի բաներ ունեմ, որ չեմ ուզի որ կարդաք: Բայց նաեւ ասացի՝ հանկարծ այնպես չլինի, որ դրանք հրապարակվեն: Ինձ ասաց՝ պարոն Աղազարյան, այս ինչե՞ր եք ասում, դուք գիտե՞ք՝ որ պետության մեջ եք: Ես էլ հպարտ, կեցվածք ընդունեցի՝ համոզված լինելով, որ նման բան չի լինի: Բայց պարզվում է, որ իմ հեռախոսը բացել են, իմ հեռախոսի մեջից շատ նյութեր հայտնվել է վարչապետի մոտ: Ո՞վ է այդ նյութերը տվել վարչապետին, ի՞նչ նպատակով է տվել, ես չեմ կարող ասել: Ես նաեւ չգիտեմ՝ որքանով է դա օրենքի շրջանակներում»:
Հարցին՝ երաշխիք ունե՞ք, որ հենց Նիկոլ Փաշինյանի հրահանգով են այդպես արել, Աղազարյանն ասաց. «Ես չէի ուզի հավատալ դրան»:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
