Շատ կնեղվեմ, եթե իմանամ, որ որևէ մեկն իմ մասին խոսելիս ասում է՝ «շեֆը». Փաշինյան

Ես շատ կնեղվեմ, եթե իմանամ, որ որևէ մեկն իմ մասին խոսելիս ասում է՝ «շեֆը»: Այս մասին ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ արձագանքելով «Հայաստան» խմբակցության պատգամավոր Գեղամ Մանուկյանի հարցին, որին շրջանակում վերջինս «շեֆ» բառն էր գործածել:

Փաշինյանի խոսքով՝ ինքը «գենետիկ անհամատեղելիություն ունի այդ բառի հետ»։

«Մենք հո խմբավորո՞ւմ չենք: Կա Սահմանադրությամբ հաստատված պաշտոն, կարգավիճակ, ազգանուն-անուն: Ես չեմ նեղվում, որ մարդիկ իմ մասին խոսելիս անունով են խոսում, դա նորմալ է, բայց որ իմ մասին ասեն՝ շեֆը, եթե լսեմ, որ այդպիսի բան կա, առնվազն կխնդրեմ, որ այդ բառն իմ նկատմամբ չօգտագործեն, որովհետև դա առնվազն չի արտահայտում հարաբերությունների այն ձևը, որը կար իրականում, և որ ես պատկերացնում եմ»,- ասաց նա: