Ինչպես ազատվել անքնությունից․ խորհուրդներ՝ բժշկից

Եթե ​​վերջերս քնի հետ կապված խնդիրներ են առաջացել, պարզ միջոցները կօգնեն կարգավորել ռեժիմը, վստահեցնում է սոմնոլոգ Սոֆյա Չերկասովան, հայտնում է Lenta.ru–ն։

Չերկասովայի խոսքով՝ օրվա ռեժիմը կարգավորելու համար ավելի լավ է ամեն օր նույն ժամին պառկել քնելու և արթնանալ, սակայն հանգստյան օրերին ցանկալի է արթնանալ առավելագույնը մեկից երկու ժամ ուշ։ Բժիշկը նաև նշել է, որ այն իրավիճակներում, երբ չես կարողանում քնել, պետք չէ ստիպել ինքդ քեզ քնել, քանի որ դա միայն կվատթարացնի իրավիճակը։

«Եթե գիշերը չես կարողանում քնել 15 րոպեի ընթացքում, ավելի լավ է վեր կենալ անկողնուց, գնալ այլ սենյակ կամ առօրյա գործերով զբաղվել: Կարող եք գիրք կարդալ»,- բացատրել է նա: Պետք է գնալ քնելու, երբ մարմինն ինքն է զգում քնի կարիքը, զգուշացրել է նա:

Եթե ​​հետևեք այս խորհուրդներին, ապա երկու օրից մինչև երեք շաբաթվա ընթացքում քունը կարող է կարգավորվել, և ինքնազգացողությունը կարող է բարելավվել, նշել է բժիշկը: Եթե ​​չեք կարող ինքնուրույն բարելավել քունը, պետք է դիմեք սոմնոլոգին, որը կորոշի խնդրի պատճառները: Բացի այդ, մասնագետի այցը կօգնի բացառել անքնության լուրջ պատճառները, այդ թվում՝ վահանաձև գեղձի հիվանդությունը, երկաթի անբավարարությունը և դեպրեսիվ խանգարումը, եզրափակել է նա։