Ամուսինը սպանել է ապահովագրված կնոջն ու գումարը ծախսել մարմնավաճառուհիների վրա

Չինաստանում տղամարդը միտումնավոր ապահովագրել է սեփական կնոջը՝ նրան սպանելու և փոխհատուցում ստանալու համար։ Իր ծրագիրն իրականացնելուց հետո նա գումարը ծախսել է մարմնավաճառուհիների վրա։ Այս մասին գրում է SCMP-ը։

Լի ազգանունով տղամարդը ռեստորան ուներ Շանհայում և մեծ պարտքեր էր գոյացրել: Մի պահ նա որոշել է ազատվել պարտքերից, ուստի խորամանկ սխեմա է մտածել։ Նա ամուսնացել է մի կնոջ հետ, իսկ հարսանիքից երկու ամիս անց նրա կյանքը ապահովագրել։ Ամեն ինչ հանուն նրա, որ հետագայում սպանի դժբախտ կնոջը։

Արդյունքում կինը, իբր, «ընկել» է լաստանավից և խեղդվել ծովում։ Ինքը՝ Լին, գնացել է ոստիկանություն և համառորեն պահանջել բոլոր վկայականները։ Դրանք ստանալուն պես վերցրել է գումարն ու գնացել փողը ծախսելու։ Ճիշտ է, նա բացի պարտքերը մարելուց, գումարը ծախսել է նաև մարմնավաճառուհիների վրա։

Սակայն Լիի գործն այժմ բացահայտված է։ Դատաբժշկական փորձագետները պարզել են, որ կինն ընկել է հրումից, այլ ոչ թե պատահաբար։ Բացի այդ, հայտնաբերվել են այլ ապացույցներ։ Այժմ Լին դատապարտված է մահապատժի՝ սպանության համար։