Բրազիլացի ինֆլյուենսերը ծրագրում է կրկին «կույս» դառնալ 19000 դոլարով
Ժամանց
Բրազիլացի ինֆլյուենսերը ծրագրում է կրկին «կույս» դառնալ՝վիրահատության վրա ծախսելով ավելի քան 19000 դոլար, սակայն նրա բժիշկը զգուշացնում է ռիսկերի մասին։
«Այս պրոցեդուրան հատուկ նշանակություն ունի ինձ համար»,-ասել է 23-ամյա Ռավենա Հանիելին Jam Press-ին: Գեղեցկուհին պատրաստվում է կուսաթաղանթի վերականգնում կատարել, որի ժամանակ վիրաբույժը կուսաթաղանթի պատռված եզրերը կարում է ներծծվող կարերով։
Հանիելիի համար վիրահատությունը «նոր սկիզբ է խորհրդանշում անձնական և մասնագիտական կյանքում»։
«Ես ուզում եմ նորից կույս դառնալ»,- ասել է մոդելը։ «Դա իմ ինքնագնահատականի և անձնական պատճառների համար է, որոնք միշտ կարևոր են եղել ինձ համար»:
Հանիելին ասում է, որ դեռ չի որոշել, թե ով է «վերցնելու» իր կուսությունը վիրահատությունից հետո։
Հայտնի չէ, թե երբ Հանիելին կկատարի վիրահատությունը, բայց նա ընդունում է, որ ընթացակարգը «շատ խնամք է պահանջում» և ասում է, որ «լիովին վստահ է, որ ամեն ինչ լավ է ընթանում»:
«Ես կհետևեմ բժշկական առաջարկություններին, ինչպիսիք են՝ խուսափել ծանր ֆիզիկական վարժություններից, ձեռնպահ մնալ ինտիմ հարաբերություններից և ընտրել հարմարավետ հագուստ»,-ասել է «կուսության ձգտող կինը»:
Այնուամենայնիվ, Լոնդոնում գործող Medisonal Clinic-ի գործադիր տնօրեն դոկտոր Հանա Սալուսոլիան նշել է, որ թեև այդ պրոցեդուրան «հայտնի կոսմետիկ վիրահատություն» է, այն բավականին «խորհրդանշական» է և իրականում չի վերականգնում կուսությունը։
Սալուսոլիան հավելել է, որ կուսության այս վերադարձը որոշակի ռիսկեր է պարունակում, ներառյալ վարակը և սպիները:
Խնդիրները միայն ֆիզիկական չեն. «Դա նաև մեծ էթիկական հարցեր է առաջացնում, և հիվանդներին պետք է խրախուսել, որ իրենց սեփական էթիկական ընտրությունը կատարեն, այլ ոչ թե հարկադրված դա անեն հանրային ճնշման պատճառով»,-ասել է Սալուսոլիան: «Իրազեկությունը կարևոր է, քանի որ այս որոշումները հատվում են մշակութային և հոգեբանական հարթություններում»:
Աղբյուր` news.am
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
