Հայաստանը կարող է ՀԱՊԿ անդամավճարի պարտք ունենալ. ՌԴ փոխարտգործնախարար
Արտաքին Քաղաքական
Հայաստանը կարող է պարտք ունենալ ՀԱՊԿ անդամավճարների գծով. այժմ 2024 թվականի համար պարտքեր կան, ժամկետը կլրանա 2025 թվականի վերջին։ Այս մասին ասել է ՌԴ ԱԳՆ ղեկավարի տեղակալ Ալեքսանդր Պանկինը Վերոնայի XVII Եվրասիական տնտեսական համաժողովի շրջանակներում, գրում է ՌԻԱ Նովոստին։
«Հայաստանը կարող է երկու տարի չվճարել այս պարտքը։ Այնուհետև համապատասխան որոշումներ կընդունվեն»,- ասել է Պանկինը:
Ինչպես նշել է ռուս դիվանագետը, երկիրը ներկայումս պարտք ունի 2024թ.-ի համար։
Նրա խոսքով, «իրականում Հայաստանի պարտքը գերբնական բան չէ»։
«ՀԱՊԿ ցանկացած անդամ կարող է պարտք կուտակել։ Եղել են դեպքեր, երբ այլ երկրներ են պարտք եղել»,- պարզաբանել է ՌԴ փոխարտգործնախարարը։
Հայաստանի վարչապետ Նիկոլ Փաշինյանը 2024 թվականի փետրվարին ասել էր, որ հանրապետությունը սառեցրել է իր մասնակցությունը ՀԱՊԿ-ին։ Հայաստանը դադարեցրել է իր ներդրումը կազմակերպության բյուջեում և ներկայացուցիչներ ուղարկել կազմակերպության միջոցառումներին և վարժանքներին։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
