«Հայկական կարուսել» տերմինում որևէ էթնիկ երանգավորում չի եղել․ Վրաստանի նախագահ
Աշխարհ
Վրաստանի նախագահ Սալոմե Զուրաբիշվիլին Հանրային հեռուստաընկերությանը տված հարցազրույցում բացատրել է խորհրդարանական ընտրություններից հետո դրանց կեղծման մասին հնչեցրած իր խոսքերը, հաղորդում է ekhokavkaza.com-ը։
Հիշեցնենք, որ «Associated Press»-ի հետ զրույցում նա հայտարարել էր «հայկական կարուսելի» կիրառման մասին, ինչը սկանդալ էր առաջացրել։
«Ուզում եմ ասել ազգությամբ հայ (Վրաստանի քաղաքացիներին) և հայերին (հարևան երկրում), որտեղ նույնպես ակտիվ է ռուսական քարոզչությունը։ Այդ «հայկական կարուսել»–ի ներքո որևէ էթնիկ երանգավորում չի եղել»,- այսօր՝ դեկտեմբերի 5-ին, նշել է Զուրաբիշվիլին։
Վրաստանի ղեկավարի խոսքով, ինքն առաջին անգամ լսել է այս արտահայտությունը, երբ վերադարձել է Վրաստան Էդուարդ Շևարդնաձեի օրոք։ Կեղծիքի նույն մեթոդը, ըստ նրա, կիրառվել է Միխեիլ Սաակաշվիլիի օրոք։
«Եթե չեմ սխալվում, Հայաստանում դա անվանում են «վրացական կարուսել»։ Սրա մեջ ընդհանրապես էթնիկ երանգավորում չկա»,- հավելել է նա:
Ամենադիտված 
Ֆիզանձանց եկամուտների հայտարարագրումը հանգեցնելու է նրան, որ մարդիկ սկսեն կանխիկով ամեն ինչ անել․ արդյունքում՝ բարդակ է դառնալու․ Անի Հովհաննիսյան
