Չինացին հրել է կնոջը ժայռից և ամուսնալուծության համար 4 միլիոն դոլար պահանջել նրանից

Թաիլանդում չինացին ժայռից հրել է կնոջը և ամուսնալուծության համար նրանից պահանջել 4 միլիոն դոլար, հայտնում է SCMP-ը։

2019 թվականի հունիսին Վանգ Նանը, որն այն ժամանակ հղի էր, ընկել է Թաիլանդի ազգային պարկի 34 մետրանոց ժայռից։ Նա ստացել է 17 կոտրվածք և ենթարկվել վիրահատության։ Նա նաև կորցրել է չծնված երեխային, և բժիշկները նրան հայտնել են, որ այլևս երբեք չի կարողանա բնական ճանապարհով հղիանալ։ Դատարանը պարզել է, որ նրա ամուսինը՝ Յու Սյաոդունը, մասնակից է եղել ողբերգական միջադեպին և անցյալ տարվա հունիսին դատապարտվել է 33 տարի 4 ամսվա ազատազրկման։

Սակայն տուժողի և տղամարդու ամուսնությունը երբեք չի լուծարվել։ Վանգը վերջերս հայտնել է, որ ամուսինն իրենից 4 միլիոն դոլար է պահանջել՝ որպես փոխհատուցում ամուսնալուծության ժամանակ «էմոցիոնալ կորստի» համար: Տղամարդուն աջակցում է մայրը, ով նույնիսկ Վանգին է մեղադրում կատարվածի մեջ՝ պնդելով, որ կինն ինքն է սադրել որդուն բիզնեսում իր հաջողություններով։ Նրա խոսքով՝ Սյաոդունը «սխալվել է», քանի որ իր կինն իրենից շատ ավելի հարուստ է։

Սեպտեմբերին Վանգը հայտարարել է ԱՄԲ–ի միջոցով բեղմնավորված որդու ծննդյան մասին, որը, սակայն, գրանցվել է որպես Սյաոդունի երեխա, քանի որ չինական օրենսդրության համաձայն՝ նրանք դեռ օրինական ամուսնացած են: Փաստաբանը, ով ծանոթացել է ամուսնու անհեթեթ պահանջների պատճառով հետաձգված ամուսնալուծության գործին, իրավիճակը անվանել է «փակուղային» և «անլուծելի»։