Ո՞րն է շաքարի օրական թույլատրելի չափաբաժինը

Առողջ չափահաս մարդը կարող է օրական ոչ ավելի, քան 25 գրամ շաքար օգտագործել, ինչը կազմում է մոտ 5-6 թեյի գդալ, ասել է Ռոսկաչեստվոյի փորձագետ, էնդոկրինոլոգ, սննդաբան, բժշկական գիտությունների թեկնածու Ելենա Սյուրակշինան։ Նա բացատրել է, որ խոսքը կոնկրետ շաքարավազի մասին է, որը կարող է թաքնված լինել ամենաանսպասելի մթերքների մեջ։

«25 գ սահմանաչափը ամբողջ օրվա ընթացքում օգտագործվող շաքարավազն է: Այս թիվը  ներառում է շաքարավազը, որը դուք ավելացնում եք թեյի, կոմպոտի կամ շիլաների, աղանդերի և այլ մթերքների մեջ, որոնց արտադրողը շաքարավազ է ավելացնում, օրինակ՝ քաղցր գազավորված ըմպելիքներ կամ սոուսներ: Բայց բնական շաքարները, որոնք բնականաբար կան որոշ մթերքների մեջ (օրինակ՝ մրգեր կամ կաթնամթերք) այս 25 գ-ի մեջ չեն մտնում»:

Մասնագետի խոսքով՝ շաքարավազի քանակությունը հաշվարկելու համար պարզապես անհրաժեշտ է ուշադիր կարդալ ապրանքի փաթեթավորման տվյալները։ Այսպիսով, դուք կարող եք հասկանալ, որ մրգային մածունը պարունակում է ավելի քան 15 գ շաքար 100 գ-ում, իսկ քաղցր ըմպելիքները պարունակում են ավելի քան 10 գ 100 մլ-ում:

Ռոսպոտրեբնադզորի փորձագետն ասել է, որ անհնար է ամբողջությամբ հրաժարվել շաքարից։ Օրգանիզմը բացասաբար կարձագանքի գլյուկոզայի անբավարարությանը, ինչը կհանգեցնի նյութափոխանակության խանգարումների, թուլության, քնի հետ կապված խնդիրների և երկարատև դեպրեսիայի: Ավելի լավ է տեղյակ լինել շաքարի օգտակար և վնասակար հատկությունների մասին։