Թրամփին չի հաջողվի լուծել ուկրաինական հակամարտությունը 24 ժամում․Ֆիկո

ԱՄՆ նորընտիր նախագահ Դոնալդ Թրամփը չի կարողանա արագ լուծել ուկրաինական հակամարտությունը՝ չնայած 24 ժամվա ընթացքում խաղաղության հասնելու իր նախընտրական խոստումներին։ Նման կարծիք է հայտնել պաշտոնական այցով Բրազիլիայի մայրաքաղաքում գտնվող Սլովակիայի վարչապետ Ռոբերտ Ֆիկոն, փոխանցում է ՏԱՍՍ-ը։

«Թրամփը խոստացել է ավարտել պատերազմը 24 ժամվա ընթացքում, իհարկե, սա նախընտրական հռետորաբանություն էր, բայց նա պետք է ինչ-որ բան անի հակամարտությունը կարգավորելու համար և մենք արդեն տեսնում ենք որոշ ոչ միանշանակ հայտարարություններ, ասել է վարչապետ Ռ․ Ֆիկոն։

Նրա խոսքով, Թրամփի վարչակազմի իրական գործողությունները կտարբերվեն քաղաքական գործչի նախկինում ասածից, սակայն Ֆիկոն ընդգծել է, որ ինքը «ողջունում է ամերիկացի հաջորդ առաջնորդի կառուցողական մոտեցումը»։