Հասանովը թուրք գործընկերոջ հետ քննարկել է իրավիճակը՝ հայ–ադրբեջանական սահմանին

Ադրբեջանի պաշտպանության նախարար Զաքիր Հասանովն ընդունել է երկրում այցով գտնվող Թուրքիայի ռազմաօդային ուժերի հրամանատար, բանակի գեներալ Զիյա Ջեմալ Քադըօղլուի գլխավորած պատվիրակությանը։

Պաշտպանության նախարարությունում կայացած հանդիպմանը Հասանովը թուրքական պատվիրակությանը տեղեկացրել է ադրբեջանա-հայկական սահմանին ներկա օպերատիվ իրավիճակի մասին՝ ընդգծելով «Հայաստանի վերազինման բացասական ազդեցությունը տարածաշրջանում խաղաղության և կայունության պահպանման վրա»։