Հարավային Կորեայի նախագահը ընդդիմությանը ժողովրդավարությունը կործանող հրեշ է անվանել
Աշխարհ
Հարավային Կորեայի նախագահ Յուն Սեոկ Յոլն ընդդիմությանն անվանել է «ժողովրդավարությունը ոչնչացնող հրեշ» և կասկածի տակ է դրել Ազգային ընտրական հանձնաժողովի պատշաճ աշխատանքը, հաղորդում է Yonhap-ը։
«Ազգային ժողովը, որտեղ գերակշռում է խոշոր ընդդիմադիր կուսակցությունը, վերածվել է հրեշի, որը ոչնչացնում է ազատ ժողովրդավարության սահմանադրական կարգը», ժողովրդին ուղղված ուղերձում ասել է Յուն Սեոկ Յոլը:
Նախագահն ասել է, որ չի հասկանում և չի ընդունում իր դեմ առաջադրված խռովության մեղադրանքը՝ ռազմական դրություն մտցնելն, անվանելով այն «երկիրը փրկելու» անհետաձգելի միջոց։ Նախագահը ընդդիմությանը մեղադրել է երկրի անվտանգությունը խաթարելու մեջ և խոստացել ժողովրդի հետ միասին պայքարել «մինչև վերջ», լինի դա իմպիչմենթ, թե հետաքննություն։
Յուն Սեոկ Յոլը ընդդիմությանը մեղադրել է կառավարության աշխատանքը արգելափակելու և հաջորդ տարի նախատեսված անհրաժեշտ բյուջեների ընդունումը խոչընդոտելու մեջ։ Նա նաև ենթադրել է, որ հիմնական ընդդիմադիր կուսակցության կողմից իմփիչմենթի շտապելու պատճառը կոռուպցիոն մի շարք գործերով իրենց առաջնորդ Լի Ջե Մյունգի դատապարտումից խուսափելու և արտահերթ նախագահական ընտրություններ անցկացնելու փորձն է։
Ամենադիտված 
36 ժամ ջուր չի լինելու
