ԱՄՆ-ն Ուկրաինային 500 միլիոն դոլարի օգնության նոր փաթեթ է հատկացրել
Աշխարհ
ԱՄՆ-ը հայտարարել է Պենտագոնի պահուստներից Ուկրաինային 500 մլն դոլարի չափով լրացուցիչ ռազմական օգնություն հատկացնելու մասին։ Այս մասին հայտարարել է պետքարտուղար Էնթոնի Բլինկենը, նշված է ԱՄՆ Պետդեպարտամենտի կայքում։
Բլինկենն ընդգծել է, որ «ԱՄՆ նախագահ Ջո Բայդենի կողմից սեպտեմբերի 26-ին հայտարարված ռազմական օգնության ընդլայնման շրջանակներում Վաշինգտոնը կարևորագույն սպառազինությունների և սարքավորումների նոր փաթեթ է ուղարկում ուկրաինացի դաշնակիցներին»:
Այս փաթեթը ներառում է HIMARS բազմակի արձակման հրթիռային համակարգերի զինամթերք, հակադրոնային պաշտպանություն, 105 մմ և 155 մմ հրետանային զինամթերք, բարձր արագության հակառադարային հրթիռներ և ականակայուն մեքենաներ ու սարքավորումներ՝ պաշտպանվելու կենսաբանական, քիմիական, ճառագայթային և միջուկային սպառնալիքներից:
Ամենադիտված 
ՀՀ ՊՆ–ն հայտարարություն է տարածել
